ШЪОШIА? -- BİLİYOR MUSUNUZ?

ШъошӀа,

СынэкIушъхьэ

Фитыныгъэ

Жьыбгъамэ

Зэ, зэ, зэу

Зэрэнэсыгъэр?

ШъошIа?

СыIупшIэхэм

«Алахьыр

ЗэкIэми ашъхьагъ»

АIозэ, зэу

СынатIэ зэу

ЧIыгум нэсым

Шъхьафит

Гуфит

Сызэрэхъугъэр.

ГУР ФЭКIОЖЬРЭП… -- GÖNÜL YOLLANAMIYOR…

ЗынатIэ

Алахьу Iэкбэр тетхагъэу,

Ишхончыпэ

Ошъогур ыугъонэу,

Шъхьэфит гуфитэу, гуфакIоу,

ПцIашхъо макъэу

Цышъхьы-сышъхьы

ЗыIорэхэм, абхъазхэм

Уаготыгъмэ,

ЧIышъхьэм, сыхъумышъхьэм,

Тетыгъэхэм уахэтыгъмэ…..

БлэкIыгъэр,

ЛIэшIэгъу плIанэр,

УакIыбмэ…..

СШIЭРЭП -- BİLMİYORUM

ПчыхьапIэкIэ,

Сиш ылъапэм

ЕкIапцIэ шъхьапэр

ЫлъэгучIэтэу,

ЕкIапцIэм ылъапсэр

Псыбэпсым хэлъэу,

АзгъукI гъогум сытетэу,

Сэмэгубгъум,

ПсырыкI хьаблэм,

ЧIыбзыу макъэр

Сэлам къысфихьэу,

Джабгъобгъу чапэм

Осэпсыцэхэр зытес

Зэяцэхэр ситамэ тес,

АзгъукIышъхьэми

КIэрыкIэу

КъыкъокIырэ тыгъэр тес.

ХЭХЭСХЭР -- DİASPORADAKİLER

О, зэ хъурэм еплъ,

Еплъ уздэсым,

Узщыпсэурэм,

Iагу из нахь мыхъурэм

Мыекъуапэм.

Зэ пшъхьэ къэIэти

Еплъ хыбгъум,

Нэр ыубытэу

Илъэс шъитIу, шъищ

Ыпэу,

IагукIыпсэу

Шапсыгъэу,

Мин шъищ хъущтыгъэм.

КУРМЭН САФЭРЭХЪУ! -- KURBAN OLAYIM!

Алахь Алахь, ясиАлахь!

АмыIуагъмэ Бисмилахь,

Iофым фемыжьэрэхэм,

Ядин яхэку фэкъурмэнхэм,

Адыгэбзэр ябзэу,

Адыгагъэр яхабзэу,

Быслъымэныгъэр ябзыпхъэу,

Янэмысыр янапэу,

ГукIэгъур ягу илъэу,

Пчыхьэм гъолъыхэмэ

« ШIапхъэ нэмыкI

СымышIагъэу,

ХЭКУ КОЦХЭР МЭШЪХЬАЛЪЭ -- VATAN BUĞDAYLARI BAŞAKLANIYOR

КъэмыкӀыгъэр шъхьалъэрэп.

Къамылъфырэ лӀэжьырэп.

Адыгеим икоцхэр мэшъхьалъэ,

МылӀэщт пчэными,

Пырэжъые фэшъхьалъэ.

Сипсэм фэдэу сикIасэ хэхэсхэр,

Шыкур кIодыжьыщтхэп ахэр.

ДЖЫ СЫЗЭГОУТЫЩТ! -- ŞİMDİ PATLAYACAĞIM!

Зыгорэм зегъэхъупхъэзэ,

ПкIэнтIэпсыкIэ Iоф ышIымэ,

Сэри зи сымышӀэу сызгъэIушызэ

Ащ иIофышIэ сеплъыгъэмэ,

Джащыгъум сигукӀэ сырэхъатызэ

Сызэгоутыщтыгъэп.

«ЗышIырэм нахьи еплъырэр фэIаз»

ЗыкIаIуагъэр джары, адыгэмэ.

Джары шъыу, сыадыгэмэ,

ЗэкӀэми нахь ӀэзэцӀэ сиӀэщтмэ,

Ӏоф зышӀырэ Ӏэджими сеплъызэ,

Джыри бэрэ бэрэ сыщысын фай.

АЦУМЫЖЪ Хьилым.

ШЪХЬЭГЪУСЭР….. -- EŞ (HANIM) .....

«Сэмэркъэур Тхьам икIас» аIо.

Ренэу унэхэр зыукэбзырэр,

Тищыгъынхэр зыгыкIырэр,

Тишхынхэр IэшIоу зышIырэр,

А зыр ары, тиунэ исыр ары…

Пчэдыжьым жэу къэтэджырэр,

Iанэ шIыгъэкIэ къытпэгъокIырэр,

Хьаку-шыкъухэр зытхьакIырэр,

Пшы зымышIырэр, тиунэ исыр ары…

АДЫГЭХЭР ПШIОIОФМЭ -- ÇERKESLER SENİN İÇİN ÖNEMLİYSE

Адыгэр хъунэу уфаемэ,

Улъэпаоу чIым утефэмэ,

ЯтIэ Iэбжыб пштэу къэтэдж.

Зымыгъэпаг шым утесызэ,

Шыр щымыгъупш улъэсызэ,

ТылъыкIотэнэу уфаемэ.

Iофыр хъурэп пIоу умыгузажъу,

Насып кIэгъэкъоныри насып,

Насыпыри кIэгъэкъончъэу къэкӀорэп.

АЦУМЫЖЪ Хьилым

___________

АДЫГЭ ХЭКУР -- ÇERKESYA

Тыркури уимыхэкоу, ащ ущыбэми,

Дэгъуми, ар уимый дышъэ къэмлан.

УичIыгу, уихэку уисэу умакIэми,

ОшIа, бзыур инабгъо щылӀэблан?

Ацумыжъ Хьилым

_________________________

ЩЫПСЫРИ IЭШIОП, УАДЫГЭНЫРИ КЪИН -- ŞIPSI DA LEZZETLİ DEĞİL, ÇERKESLİK DE ZOR

УикокI тырку махъулъэм ыкъо исэу,

Уиджэхашъо урыс нысэм ыкъо щеуджэу,

Уипыт мэпщэрэхьэу итыр арап нысэу,

Щыпсыри IэшIоп, уадыгэныри къин.

Ацумыжъ Хьилым.

PS. Пыт(ы); кухня

ЖЪОНЫГЪУАКIЭ МАЗЭМИ СЭШЪЫГЪО ГУЩ -- MAYIS AYINDA DA YASTAYIM GUŞ

А-яй-яй гущ, а-яй-яй гущ

Мы дунае мыгъори

Къысдэшъыгъуа гущ!

Сызэрэацумыжъми гущ,

А-яй-яй гущ, а-яй-яй гущ,

Мэзыргулъи къысхэлъ гущ,

Тыркуми Мэзыргу исэпышъ,

Араб хэгъэгухэми дэсэпышъ,

Хэкужъыми къыдэнагъэпышъ,

ШЫРЭ ЛЪЭПКЪЫРЭ - AT İLE MİLLET

Шыр,

Iусынчъэу

Псэунэу,

Мышхэу

ЩыIэнэу

Есагъ пIуагъэм

МалIэ…

Лъэпкъыр

Хэкунчъэу

Псэунэу,

Хэгъэгунчъэу

ЩыIэнэу

Есагъ пIуагъэм

МэкIоды.

АЦУМЫЖЪ Хьилым

ЖЪОНЫГЪУАКIЭМ И 21-рэ -- MAYISIN YİRMİBİRİ

ТцIэ къылэжьыгъэ тижъыхэр,

ЧэтэпэкIэ рафыгъэхэр,

Хыпсыми,

Нэпсыми,

Ымытхьэлагъэхэр,

Зы мафи адыгагъэр

Зыгу ымыкIыгъэхэр,

Тыгу къэдгъэкIыжьы тIоу

Шъыгъо-шIэжъ мафэ тIоу

Илъэсым изымафэу

Тызэрэадыгэр, тиадыгагъэр

Тыгу къэдгъэкIэу

Тызэрэхэт шIыкIэр,

Зэ якъэ усэигъэхэм

Ашъхьэ зэ къаIэтэу,

Ахэм зэ алъэгъумэ,

Тшъхьэ тэ тхьыжьын!

АЦУМЫЖЪ Хьилым

__________________

МЫ ОГУР - BU GÖK

Мы огур, къаргъоу

Ышъхьэ фитэу

Пшъхьэ тетыным паеу

Огур пщэфынэу

Угу къемыгъэкӀ.

O пшъхьэ пае

Унапэ умыщэжьи

Уемыгъап;

Мы огур, ренэу

Зэпыу имыӀэу

Ышъхьэ фитэу

Aмырми

Пшъхьэ тетыщт....

Ацумыжъ Хьилым.

________

АДЫГЭ БЫРАКЪ - ÇERKES BAYRAĞI

Мы тихэку, тичIылъэр,

Гум дэмыфэрэ тиогур

Ыгъэдэхэзэ быбатэрэ

Тибыракъ хэлъ жъуагъэхэр

Нурэу къэшIэтэу,

НэшIукIэ ащ еплъырэм

Ынэгу, ынэ нур-нэфэу

Ерэгъэнэф,

НаекIэ еплъырэм

Тинып хэлъ

Щэбзэщэхэр

Ынэхэм хэрэу!

АЦУМЫЖЪ Хьилми

IУРЫIУПЧЪ - TEKERLEME

Iо-Iо, Iуашъхьэ дышъ,

Мые-мые, мые дышъ.

Iо-Iо, Iуашъхьэ мэфашъхь,

Мые-мые, мыяшъхь.

Iо-Iо, Iуашъхьэ къуапэ Iодышъ, (*)

Мые-мые, Мыекъуапэ тидышъ.

***

ПЦIЫ СЫУСЫНЭП * YALAN SÖYLEMEYEYİM

ПцIы сыусынэу сыфаеп

Сэ цIыфхэр сикIас.

Адыгэ быракъыр зибыракъ

ЦIыфхэри

ПцIы сыусынэп

Нахь сикIас…

ЗэкIэ быслъымэнхэр шIу сэлъэгъу,

Ау адыгэ быракъыр зибыракъ

Быслъымэнхэр шIу дэдэу сэлъэгъу…

ТИЛУЛАШЪХЬЭХЭР PİPOLARIMIZIN BAŞLARI

Непэ нэкIмазэ лъапIэм изымаф

Зызгъэудэгунэу сыфэягъэ зы маф.

ЗэкIэкIожъ зимыIэр зэкIэкIуагъэ маф.

Адыгэгу горэр къыгъэзэжьыгъэ маф.

Адыгэм ылъ, ыгу, ыпс зыхэлъ чIылъэм,

Къагъэзэжьы къэкIожьыгъэхэм,

Ащыщ горэхэр тыркум агъэзэжьымэ

СыгучIэ едзы, тIапI Iоу тефэ, тичIылъэм...

ТИIОФХЭР IУРЫШI İŞLERİMİZ URIŞ’

Хэкур, лъэпкъыр,

Хэхэсыр, хэкурысыр,

Джэгур, быракъыр,

Хабзэр, бзыпхъэр,

ЩыIакIэр, хьэдагъэр,

КIэлакIэхэр, нахьыжъхэр

Тыгъуасэр, неущыр,

Бзэр, адыгабзэр

Ар пшIэн фай,

Мыр пшIын фай.