Сэ IэкIыб къэралыгъом сыкъыщыхъугъ. Къэралыгъом иеджапIэм
тыщеджэзэ, Адыгэхэм ехьылIагъэу зыцIэ къытфагъэлъэгъугъэп.
Синасыпти чылэм сыдэсыгъ. Гъэмэфэ хъумэ, гъэпсэфыгъо
уахътэхэмкIэ тичылэ иефэнд къурIан еджакIэр къытфигъэшIэщтыгъ.
Нэгъуцу Бэдрэтдин ыцIагъ. ЛIы Iушыгъ. АлъапсэкIэ тичылэ
щыщыгъэхэп. Шъэумызхьаблэ зыфаIорэ чылэм ятэ къикIи ти чылэ
дэтIысхьажьыгъагъ. Ари ефэндыщтыгъ.
Арап тхыбзэм тетэу адыгабзэкIэ еджэн тхэн Iофым фэIэзагъ.
Гъэмафэ гъэпсэфыгъомкIэ ащ Iаджи къытфигъэлъэгъущтыгъ. Къэралыгъо еджапIэмкIэ
къытамIорэ Iаджыми ащ нэIуасэ къытфишIыгъ.
ГущыIэм пае Нарт IорыIуатэхэм ащыщэу ЖъыукI Хасэм икъэбар
апэ дэдэм ащ къытфиIотагъагъ.
Илъэс щэкIым нахьыбэу уахътэ тешIагъ ау а къабарыр джы
зэхэсхыгъэм фэдэу къысщэхъу.
Ти пегъымбарым «цIыфым игъашIэ ыгъэукIыхьырэ закъор нахьыжъхэм
шъхьакIэфэныгъэ епхъыныр ары» ыIощтыгъэр къытиIо ыуж; ‘-КIалэхэр, Адыгэхэр сыда бэгъашIэ
мэхъух, ащ икъэбар къышъосIотэн» ыIуи, жъыукI хасэм икъэбар, ятэ ыукIыным пае
къушъхьэ тIуакIэм ыщэзэ икIалэ пхъэ
такъыр горэм зышIонэм къахъулIагъэр, ахэмэ аужкIэ Адыгэхэм жъыгъэхэм нахь фэсакъынэу зэрэфежьагъэхэм икъэбар къытфиIотагъ...
Джары, IуакIэр, къэIуакIэр ошIэмэ хъурэр, джыри «типегъамбарым
къыIуагъэри а жъыукI хасэ къэбарыри» ситхьакIумэхэм итых.
КIо сыдми, цIыфышIугъ.
Ащ къытфигъэлъэгъугъэхэм ащыщэу «Десталъхь» зыфаIорэм
ишIыкIэ сытегущыIэнэу сыфай.
Десталъхьыр, тхылъэу, десэу
ущеджэрэр зэхэмкIокIэнэу тхылъым деплъхьарэ гухьарэхэр тешIахьыгъэр ары.
Мыр нахь ыпэкIэ шъо
зэфэшъхьаф зиIэ упкIэхэм гухьарэхэр къыхахызэ «упкIэ зэхэдыкIыгъ» ашIэнымкIэ
агъэфедэрэ шIыкIэм техыгъ.
.
АЦУМЫЖЪ Хьилми
