Бжъэдыгъум укъыдэкIэу
Мыекъуапэм уфэбгъэзагъэу
УлъыкIуатэмэ
Нэм къыкIаоу,
Джадэу мые тас зыIыгъ
Мыекъуапэ стелэр
АпэгъокIы туристхэм …
Шъоплъымэ;
Сыдэуи дахэ
ТичIыопсыр,
Стелари нэм кIэмыоу
Джабгъобгъум Iутхэр,
Iэнае чъыг джадэхэр
КъышъупэгъокIы.
Абдзэхэ къушъхьэмэр
Апэурэм фэдэу къысщэхъу.
Сипэ зэрэпэмырэм
Фэдэу шъуепэмымэ
Сыдэуи дахэ тичIыопсыр…
Мыекъуапэм шъудэтмэ
Шъуигу тхьар къыгъэкIэу
Мэщытыр къышъупэгъокIы
Сэ синэхэмкIэ
Шъоплъымэ;
Сыдэуи дахэ
ТичIыопсыр.
Мэщыт кIыбым
Бзыфхэр дэт.
Сыдэуи джадэх,
Сыдэуи гохьых.
Джэнэтымэ апэу.
Сипэ зэрэпэмырэм
Фэдэу шъуепэмымэ
Сыдэуи дахэ тичIыопсыр…
Шъхьэгуащэ ныджыр
Къуджыр закIэу
Псым пшъэхъу тыралъхьагъэу
Мыекъуапэ псыIыгъыпIэр
УипIэшъхьэ ит.
Сэ синэхэмкIэ
Шъоплъымэ;
Сыдэуи дахэ
ТичIыопсыр.
ПсыIыгъыпIэм умыкIозэ
ДжабгъумкIэ,
Уцышъо шъо шъыпкъэр,
ИпкIашъэхэм тепкIагъэ
ХьамыщхунтI чъыгыр
Шъуинэ къыкIэощт.
Псыхъо ныджыр
Сыдэуи гохьы.
Пэ къоцIыр ыгъэстэу
Тхъыйшъамэ къэу.
Сипэ зэрэпэмырэм
Фэдэу шъуепэмымэ
Сыдэуи дахэ тичIыопсыр…
Ацумыжъ Хь.
________________________________
NE DE GÜZEL DOĞAMIZ
Bjeduğya tarafından gelip
Önünü Mıyekuapeye verip
İlerlediğinde
Göze batarcasına,
Kocaman, elma tabağı tutan
Mıyekuape dikilitaşı
Turistleri karşılar…
Benim gözlerimle
Bakarsanız;
Ne de güzel
Doğamız,
Dikilitaş da gözünüze çarpmadan
Sağ taraftakiler,
Koca çınar ağaçları
Sizi karşılar.
Abzahya dağlarının kokusu
Duyuluyor gibi geliyor bana.
Burnumun kokladığı
Gibi koklarsanız
Ne de güzel doğamız…
Şayet Mıyekuapedeyseniz
Aklınıza Allahı getiren
Cami karşılıyor sizi
Benim gözlerimle
Bakarsanız;
Ne de güzel
Doğamız.
Caminin arkasında
Ihlamurlar var.
Ne de kocalar,
Ne de gönül alıcılar.
(Onlardan) cennet kokusu duyuluyor.
Burnumun kokladığı
Gibi koklarsanız
Ne de güzel doğamız…
Şhaguaşe kıyısı
Taşlı-kayalı toprak
Suya zincir vurulmuşcasına
Mıyekuape barajı
Baş ucunuzda.
Benim gözlerimle
Bakarsanız;
Ne de güzel
Doğamız.
Baraja çıkmadan,
Sağ tarafta,
Gerçek yeşil rengi,
Yapraklarına yapışmış olan
Alıç ağacı
Gözünüze çarpacak.
Nehrin kıyısı
Ne de gönül alıcı.
Gırtlağı-burnunuzun içini yaka yaka
Kaya sarmaşığı kokuyor.
Burnumun kokladığı
Gibi koklarsanız
Ne de güzel doğamız...
Açumıj Hilmi