ИIагу синапэ щысфэн
ФалIэ сэлIэрэ
Сянэ хыкIыбым щыI.
О силъэпкъ,
Себэунэу, синапэ щысфэнэу
Iагуи, лъэгуи уиIэп,
СшIэрэп,
Сыда шIу усэлъэгъу!
Чыгы жьаом тычIэсэу,
Мэкъу теуагъэу
Тутыныбжь сыдэшъон
СшнахьыкIи километр
Мин пчъагъэкIэ
Къыспэчыжь.
О силъэпкъ
Къаштэ тутыныбжь
КъыпфэсымIошъоу
СшIэрэп,
Сыда шIу усэлъэгъу!
Синэ къыкIэплъэу
Инэ сыкIэплъэу
СыдэгущыIэшъущт
Сшыпхъу
Лъэс гъогукIэ
Сымынэсышъунэу
Хымэ чIыгу ис.
О силъэпкъ
СикIэплъэнэу
Нэ уимыIэу,
СшIэрэп,
Сыда шIу усэлъэгъу!
ИкъэнэтIэхэс мыжъом
Сшъхьэ фэсыусэеу
Сигу ылъхэр
ЕсIон фалIэ сэлIэрэ
Сятэ ыкъэ-ыбэн
Сымылъэгъугъэр
Илъэсыбэми блэкIыгъ.
О силъэпкъ
Уипсэ хэкIыгъ
СIонти
КъэнэтIэхэс уиIэп.
СшIэрэп,
Сыда шIу усэлъэгъу!
О силъэпкъ
Тхьам тырихьакI
Непэ неущ
Сипсэ хэкIымэ
ХьадрэхэмкIэ
« - О уадыга?»
АIоу къыскIэупчIэщтхэпишъ
СшIэрэп,
Сыда шIу усэлъэгъу!
О силъэпкъ,
Тиунэисым
«- Ооо Шапсыгъэр,
УнэкIымэ хьазыр Iанэр»
ЗыфиIорэм фэдэу
Укъысэмыджэщтмэ,
СшIэрэп,
Сыда шIу усэлъэгъу!
О силъэпкъ
Сикуко цIыкIум
«- Тат жъуагъэхэм
Ошъогум
ЗэшIогъэнэнэу къопс яIа?»
ЗыфиIорэм фэдэу
УпчIэ гохьхэр уимыIэмэ
СшIэрэп,
Сыда шIу усэлъэгъу!
О силъэпкъ
Шъэожьыем
«- ЕджапIэм мыкIорэр
ЦIыф мыгъасэ
Хъущт Iорэ
Хабзэ щыIэпи!»
КъыIорэм фэдэу
СымыбгъэгушIощтмэ
СшIэрэп,
Сыда шIу усэлъэгъу!
Ацумыжъ Хь.
HEY MİLLETİM NEDEN SENİ SEVİYORUM?
Elinin tersini öpeyim,
Avuç içine yüzümü süreyim
Diye, ölesine istediğim
Annem, denizin ardında.
Hey milletim,
Öpmeye, yüzümü
sürmeye
Ayağın da elin de yok,
Bilmiyorum,
Neden seni seviyorum!
Ağaç gölgesinde,
Ot biçip otururken
Sigara içeceğim
Erkek kardeşim
Binlerce kilometre
Uzağımda.
Hey milletim
Bir dal sigara versene
Sana diyemeyeceksem
Bilmiyorum,
Neden seni seviyorum!
Gözümün içine bakıp
Gözlerine bakıp
Sohbet edebileceğim
Kız kardeşim
Yayan yollansam
Ulaşamayacağım
Yaban topraklarda.
Hey milletim
İçine bakabileceğim
Gözlerin yoksa,
Bilmiyorum,
Neden seni seviyorum!
Mezar başı taşına
Başımı yaslayıp
Yüreğimdekileri
Söylemek için can attığım
Babamın mezarını
Görmediğim
Çok yılı da aştı.
Hey milletim
Canın çıktı (her halde)
Desem
Mezartaşın yok.
Bilmiyorum,
Neden seni seviyorum!
Hey milletim
Allah geçinden versin
Bu gün yarın
Çıksa canım
Ahirette
« - Sen
Çerkesmisin?»
Diye de sormayacaklar
Bilmiyorum,
Neden seni seviyorum!
Hey milletim,
Bizim ev sahibesinin
«- Oooo Şapsığ,
Açsan sofra hazır»
Demesi gibi
Çağırmayacaksan beni,
Bilmiyorum,
Neden seni seviyorum!
Hey milletim
Ufak kukocuğumun
«- Baba yıldızların
Gökyüzüne
Tutunmaya saplarımı var?»
Demesi gibi
Gönle hoş gelen soruların yoksa
Bilmiyorum,
Neden seni seviyorum!
Hey milletim,
Çocuğun
«- Okula
gitmeyen
Eğitimsiz insan
Olur diye
Kanun yok!»
Demesi gibi
Güldürmeyeceksen beni
Bilmiyorum,
Neden seni seviyorum!
Açumıj H.