ХЬА-ХЬАЙТ, БЭРЭ УЕЖЭН!
HA-HAYT, ÇOK BEKLERSİN!
НэтIаукъо Хьаджэр къэтэджэу:
«-Едж сиIубыжъый, едж дэгъоу,
Едж лъэпкъым уишIуагъэ екIын»,
КъыIонэу уежэмэ, хьа-хьайт бэрэ уежэн!
Къэзаныкъор къогъум къыкъокIэу:
«-Мардж хъужьын тызэджэнджэшын»
КъыIоу, чъыехэрэр къигъэущыжьын,
ПшIошIэу уежэмэ, хьа-хьайт бэрэ уежэн!
Джэрандыкъор бэщыпэкIэ къыпхэпыджэу:
«-Тедж сишъау, тедж тихэку къэдгъэзэжьын,
КIэрыкIэу тилъэ тичIылъэм теуцожьын»,
Хьамхъокъо Хьаджэр зэчыр еджэу:
«-Алахьым пае, уадыгэмэ зэ зыбгъэсысба»
Iоу, зэфэныгъэм улъыхъонэу къыолъэIунэу,
Уежэмэ, ухэукъо, хьа-хьайт бэрэ уежэн!
Зэхэоха ахэм яIоф аухыгъэр бэшIагъ,
Тхьам Iомэ джэнэт ордэ унэхэр агъэпсэфыпI.
Джы чэзыур зиер оры, къысаIу, сыд пшIагъ?
Зыгорэхэм уежэ ара? Хьа-хьайт бэрэ уежэн!
АЦУМЫЖЪ Хьилым.
_________________
HA-HAYT, ÇOK BEKLERSİN!
Hacı Net’awko ayaklanıp:
«-Oku cancağazım, iyi oku,
Oku, millete faydan dokunur»,
Diyecek diye bekliyorsan, ha-hayt çok beklersin!
Kazanıkonun köşeden görünüp:
«-Marc olsun, danışma-münazara etme zamanı».
Diyerek, uyuyanları uyandıracağını
Sanıp bekliyorsan, ha-hayt çok beklersin!
Cırandıkonun bastonunun ucuyla dürtükleyip:
«-Kalk yavrum, kalk vatanımıza dönelim,
Yeniden ayaklarımız topraklarımıza bassın»,
Demesini bekliyorsan, ha-hayt çok beklersin!
Hamhoko Hacı zikir çekip:
«-Allah için, çerkes isen biraz kımıldasana»
Diyerek, adalet araman için sana yalvarmasını,
Bekliyorsan, yanılıyorsun, ha-hayt çok beklersin!
Duyuyormusun, onların işlerini bitirdiği çok oldu,
Şimdi inşaallah cennet köşklerinde dinleniyorlar.
Şimdi sıra sende, söylesene, ne yaptın?
Birilerini bir şeyleri bekliyorsun öyle mi? Ha-hayt çok beklersin!
AÇUMIJ Hilmi.